Светофор

Петĕр Ялгир | Юрă | 380


Пикене тĕл пулчĕ каччă

Урамра каç пулттипе,

Шӳтлеме унпа хăтланчĕ,

Чыханчĕ хăй куллипе.

 

— Эс тӳрккес! — тесе утайрĕ

Сар хĕр йĕкĕт умĕнчен,

Светофор пек йăлтăртатрĕ

Хĕрлĕ çутă куçĕнче.

 

Тепринче хĕр умĕн иртрĕ

Каччă ăшă кулăпа.

Лешĕн куçĕ йăлтăрт çиçрĕ

Хăвăрт сарă çутăпа.

 

Каçхине хĕре хай çамрăк

Роза пачĕ савăнса.

Чарчĕ хĕр куçне сасартăк,

Симĕс çутă сапăтса.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: