Мана кирлĕ упăшка

Петĕр Ялгир | Юрă | 445


Ман упăшка пуласси

Йăмра лартса ӳстертĕр.

Ун хӳттинче ик савни

Юратупа килентĕр.

 

Мана пӳрнĕ упăшка

Пултăр ĕмĕрлĕх парне.

Манпала пĕр шухăшпа

Вăл ирттертĕр ĕмĕрне.

 

Ларттăр вăл çемье валли

Кил-çурт хăтлă та капмар.

Вăл пулсассăн хастарли,

Хам та пулăп васкавар.

 

Вăл çуретĕр вĕçтерсе

Çăмăл çех машинăпа.

Ун çумне хĕпĕртесе

Эп те ларăп хаваспа.

 

Пултартăр çураттарма

Ывăлла хĕр вăл мана.

Хĕрĕ пулăштăр хама,

Ывăлĕ упăшкана.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: