Пулăç

Петĕр Ялгир | Юрă | 576


Пулла анчĕ Йăкăнат

Çутă кӳлĕ хĕррине.

Иртеймерĕ пĕр самант,

Шыва печĕ вăлтине.

 

Эх, ларать, эх, ларать

Пулăç пуçне каçăртса:

«Шампасем, тет, шакăрах

Кăларасчĕ, тет, туртса».

 

Пулă темшĕн-çке хыпмасть.

Çын эрех сыпать пăртак.

Кӳршинчен илет çыртма

Кивçенле пĕр-ик çăрттан.

 

Эх, ларать, эх, ларать

Пулăç каçăртса пуçа.

Шампасем шăкăрах

Кăларасчĕ, тет, туртса.

 

Пулăç пуçĕ усăнать,

Хăй шавлать: «Ма аптăрас?»

Вăлти туртнăн туйăнать:

«Тытрăм, тет» мăнттай карас».

 

Эх, туртать, эх, туртать.

Вăркăнса тухать вăлта.

Тытрĕ усĕр Йăкăнат

Пысăк çĕрĕк çăпата.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: