«Мана асра ан тытăр, тусăмсем...»

Афалек Энтепе | Сăвă | 444


Мана асра ан тытăр, тусăмсем,

Эп сирĕн шавлă ушкăна

Хаваслăх кӳреймерĕм.

Пĕрре салхун кулса кăтартрĕ те Илем,

Текех эп тунсăхсăр

Пĕрре те çӳремерĕм.

Шалти çутта сăнанăскер, тен, эп

Куна каçран, каçран куна

Уйăраймарăм.

Паян кунччен килессине кĕтеп.

Анчах çырнине-çке

Тупаймарăм.

Çавах мана ан манăр, тусăмсем,

Манас пулсассăн та

Пĕрре те кӳренместĕп.

Пĕрресалхун кулса кăтартрĕ те Илем,

Текех эп тунсăхсăр

Пĕрре те çӳрейместĕп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: