Çумăр

Анна Никонорова | Юрă | 647


Çумăр çăвать, çумăр çăвать,

Çăвать иртенпех.

Эп ларатăп асаилсе

Иртнĕ кунсене.

 

Хушса юрламалли:

Çумăр çăвать, çумăр çăвать,

Çăвать кăçал çăвĕпех.

Çумăр витĕр эс килессе

Эп кĕтетĕн куç пекех.

 

Ун чух те çаплах çумăр,

Çумăр çăватчĕ.

Пирĕншĕн вăл килĕшӳллĕ,

Юратуллăччĕ.

 

Хушса юрламалли.

 

Эп утаттăм çумăр витĕр

Çерем çийĕпе.

Эс килетĕн мана хирĕç

Вĕри чĕрепе.

 

Хушса юрламалли.

 

Çумăр витĕрех хавассăн,

Утатпăр пĕрле.

Эс пыраттăн манпа çумăн

Ăсатма киле.

 

Хушса юрламалли.

 

Халь ларатăп эпĕ пĕччен,

Кантăк умĕнче.

Çумăр пек куççуль юхать

Манăн пит çинче.

 

Хушса юрламалли.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: