«Çил шăхăрать уй урлă...»

Нина Артемьева | Сăвă | 386


Çил шăхăрать уй урлă.

Тăвăл килет.

Кăмăлăм темшĕн хурлă,

Кăмăл йĕрет.

 

Кĕмĕлĕм те, мерчен те

Пулмĕ, пулман.

Вăл хĕррипе черченкĕ,

Шурă кăлкан.

 

Мăн асаттен йăх пуçĕн

Шур çӳçĕ пек.

Хӳтлĕхсĕр, сасăсăр, уççăн

Вĕлкĕшрĕ тек.

 

Тăвăл, тасал, ан ашкăн,

Çитĕ ылхан.

Вăл хĕррипе пĕр ушкăн

Шурă кăлкан.

 

Чарăнăн — кăмăлăм хуçăк

Пулмĕ текех.

Шурă кăлкан йăх пуçĕн

Çӳçĕ пекех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: