«Ишмест кӳлĕре сивĕ пăр тек...»

Михаил Андреев | Сăвă | 450


Ишмест кӳлĕре сивĕ пăр тек,

Тавралăх халь — пĕр аслă сад.

Кăвак тӳпери тăрнасем пек

Пилеш çулçи сарнă çунат...

 

Çӳлтен кайăк хур сасă панăн

Каять туйăнса чунăма.

Телейĕм çухалчĕ-ши манăн?

Пăрахрĕ савни курăнма.

 

Пилеш çеçкене ларайман-ха,

Пăхать каçхине тăм ӳкме.

Çапах ир-ирех сар уçланкă

Ыр варкаш ярать пӳлĕме.

 

Пилеш — шукăль çимĕçлĕ тухтăр...

Савни те — палан хăраххи...

Унран ăшçунтармăш та çук-тăр,

Вăл темшĕн ман чи лайăххи.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: