Çĕрпе чĕре

Василий Кервен | Сăвă | 384


Ирхине тӳпе хураччĕ,

Тикĕт сĕрнĕ темелле.

Çĕнĕ сăн унта çуралчĕ

Ĕнтрĕк çапнă тĕлелле.

 

Тăрă шывшăн тунсăхланă

Пулă евĕр çăлтăрсем

Савăк вăййине пуçланă

Таврана каç тулнăçем.

 

...Чун Çĕртен те аслă тейĕн,

Улшăнмасть иккен часах.

Тарнăччĕ манран телейĕм —

Таврăнмасть-ха çăв-çавах.

 

Упраясчĕ лайăхраххăн

Хамăрăн пĕрне-пĕри.

Сивĕнсен ытла вăраххăн

Ăшăнать-мĕн çын чĕри.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: