«Хула сана хăй сунтăхне...»

Петĕр Яккусен | Сăвă | 422


Хула сана хăй сунтăхне

Чиксе хурать те — шăшилле

Кăштăртатса эс антăхни,

Чăнах та, кулăш-путишле

Курнать пуль сунтăх умĕнче

Тăраканнишĕн. Кам-ши вăл?

Пĕлместĕн эс, пĕлмест тĕнче:

Мĕнле хăват, асамлă вăй.

Сана çак сунтăха чиксе

Картун-картун курупка пек

Кварталсенче пĕчĕклетсе

Чуптарчĕ кунĕ-кунĕпех...

 

...Çĕрле эс тĕлĕке путан.

Сĕме пуçхĕрлĕн чăмнăскер

Шыв тĕпĕ мар, тӳпе тупан —

Тĕлĕкре çеç — ирĕклĕскер.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: