Кĕрхи кăмăл

Вячеслав Круглов | Сăвă | кĕркунне | 404


Сап-сарă тумлă кĕркунне…

Саватăп эпĕ ун кунне.

Çĕрти чĕр ылтăн пуххине

Сив çил пырса пăлхатнине.

 

Шап-шурă хурăн речĕсем

Çăтăлтатса калаçнине,

Хресчен пӳлме-кĕлечĕсем

Тыр-пулпала каçрăлнине.

 

Кĕр мăнтăрпе кĕрекере

Тус-тăванпа савăннине.

Ак мĕншĕн эп савап кĕре —

Вăл тӳрлетет авăннине.

 

Çу каçипех мĕн вăй хуни

Паян йăлтах куçпа курни:

Сĕтел çинче ĕçме-çими,

Эппин, пурнать чăваш çынни.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: