Тăван ен ытамĕнче

Вячеслав Круглов | Сăвă | 315


Тăван çĕршыв вăл — эпĕ, эсĕ,

Тăван çĕршыв — атте-анне.

Ытарайми тулли кĕтесĕм

Тухса тăрать ман куç умне.

 

Тăри сассиллĕ янкăс хир те,

Тăван урам, хыçри Пăла,

Ытарайми кăвак çут ир те

Çĕклет çунатлă кăмăла.

 

Чечекленет юратнă енĕм

Çултан-çулах хăй еккипе.

Çакна кашни курса ĕненĕ,

Пурнатпăр çĕнĕ ĕмĕтпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: