Çеçпĕл

Вячеслав Круглов | Сăвă | Çеçпĕл Мишши | 460


Çеçпĕл — тĕрĕслĕх саманчĕ,

Çеçпĕл — кĕрешӳ ырри…

Чăнлăхпа тулса саланчĕ

Пурнăçра чĕнен юрри.

Эсĕ — çамрăклăх элемĕ,

Йыхăратăн малалла.

Санпала чăваш этемĕ

Чул-тăва та ватмалла.

Сăввусен сӳнми хăвачĕ

Ĕмĕрех асăмăрта,

Ырă туптаса хăварчĕ

Çĕр çинчи çуртăмăрта.

Çеçпĕл шаннă-ĕмĕтленнĕ

Чăн чăваш чĕлхи паян

Çĕн вăйпа-и чечекленнĕ,

Чан сассин каять ян-ян!

Çеçпĕл — тĕрĕслĕх саманчĕ,

Çеçпĕл — кĕрешӳ ырри.

Чăнлăхпа тулса саланчĕ

Пурнăçа чĕнен юрри.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: