Сивлетпĕр вăрçа

Гурий Чаржов | Сăвă | вăрçă | 429


Тăшман вăр-хурахĕ çывхарчĕ,

Шутларĕ пире тĕп тума.

Атте тухса кайрĕ, ăсанчĕ

Тăван çĕршыва сыхлама.

 

Вут-тăвăл хăрушшăн кĕрлерĕ,

Кисретрĕ йĕри-таврана.

Атте вăрçăра шикленмерĕ,

Çунтарчĕ тискер тăшмана.

 

Ыр тумĕ нихçан вăрçă вучĕ,

Мĕн чухле салтак паттăрла

Фронтра çапăçса пуçне хучĕ,

Атте те килмерĕ калла.

 

Тăшман вăр-хурахĕ лăпланчĕ,

Аркатрĕ ăна пирĕн Çар.

Хитрен мир хĕвелĕ çуталчĕ.

Пур халăх сивлетпĕр вăрçа.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: