«Кунĕн-çĕрĕн, хĕлĕн-çăвĕн...»

Григорий Илепер | Сăвă | 399


Кунĕн-çĕрĕн, хĕлĕн-çăвĕн

Шухăшра пĕр эс кăна.

Ыр ĕнен сап-сарă çăвĕн

Ирĕлсе кĕрен чуна.

 

Санпала таçта та кайăп,

Каламастăп-çке юри.

Ман пулман-ши пĕр-пĕр кайăк

Шăратма чĕре юрри.

 

Тепĕр чух куратăп тĕлĕк:

Тĕртрĕн шурă катан пир.

Йăли пур — хăть халь, хăть ĕлĕк

Кĕтнĕ шилĕк туй эпир.

 

Сан çинче пек çĕнĕ çĕлĕк,

Ман çинче пек ал шăлли.

Ай, хăçан-ши çавă тĕлĕк

Чăн пулать пире валли?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: