Юрату сукмакĕ

Григорий Илепер | Сăвă | юрату | йĕр | 376


Çил-тăман вĕçтерчĕ хĕлĕпех.

Сан йĕрпе çӳрерĕм, сан йĕрпех.

 

Эс каланăн туйăнчĕ «ан юл,

Ан çухалтăр пирĕн утма çул».

 

Çинçерех пулсассăн та пăртак,

Çухалмарĕ пурпĕр çав сукмак.

 

...Çуркунне халь çитрĕ, çуркунне...

Ирĕлтерчĕ пирĕн çулсене.

 

Те куççуль пек пулчĕ шурă юр.

Ăçталла саланчĕ çав шыв-шур.

 

Çавăнпа хурланчĕ ман чĕре.

Ах, мĕнле тупам-ши сан йĕре?..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: