Кучченеç

Чечек çинчен чечек çине

Манпа çӳрерĕ сар пыл хурчĕ,

Çырса мухтарăм сĕткене,

Карас çине пухса вăл хучĕ.

Нектар пухма — ыр кунччĕ çеç —

Сăвви, сар пылĕ — савăнмалăх.

Юлташ, астив-ха кучченеç,

Ун тутинче — тăван тавралăх.

Ку çеç-и?

Пырăр хăнана —

Сире кĕтет сим пыл шерпечĕ.

Шӳрпелĕх ятăм хурана.

Сар çу сĕрсе хурам икерчĕ.

Эп çепĕç юрă ĕнерем.

Эс такмакла пĕр-пĕр çĕн сăвă.

Вара лăпланĕ чун-чĕрем —

Пĕрле çапла пурнар сып-сывă!

Çĕнĕ комментари хуш