Тăватă чĕре

Аристарх Дмитриев | Сăвă | чĕре | анне | савни | атте | 462


Савни чĕри — куян çури:

Часах хăваласа çитеймĕн,

Хăй пытăр сан патна телейлĕн

Куян çури — савни чĕри.

 

Анне чĕри — хĕвел ури:

Хура пĕлĕтсене те сирĕ,

Çула çутатĕ каçăн-ирĕн

Хĕвел ури — анне чĕри.

 

Атте чĕри — тĕнче хĕрри:

Вăрçа ăсанчĕ çăлтăр витĕр,

Анчах юлмарĕ вил тăпри те...

Тĕнче хĕрри — атте чĕри.

 

Ман чĕремре — кашнин тĕрри:

Савни савса йĕкĕлтени те,

Анне нихçан çилленменни те.

Аттем вилсен те вилменни те.

Ман чĕремре — кашнин чĕри.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: