Çитесси

Тăваньялсем Сергей | Сăвă | 1907 | революциччен çырнисем | 323


Çиллĕн тавлă çулăме

Тĕп-йĕрĕпех сӳнĕ халь.

Юнлă çапăçун куççулĕ

Ĕмĕрлĕхех пĕтĕ халь.

Çак тĕнчери этемсем

Урăх чаппа мухтанĕç.

Вăл чап — аслă ăс чапĕ,

Вăл чап — ыр ĕçсен ĕçĕ.

Халĕ хĕç-пăшал янтрать, —

Этем юнне вăл тăкать...

Юнпа йĕпенен çĕрĕсем

Вăйлă, тутă тырă парĕç.

Тыррисене пуçтарма

Ирĕклĕ çынсем ӳстерĕç.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: