Кай еннелле пĕлĕт шуса кайрĕ...

Кай еннелле пĕлĕт шуса кайрĕ

Каскăн çил хӳтерсе пынă май.

Ман та унăн хыççăн каяс мар-и?

Анчах куçунта вулап: Ан кай!

Анаталла кимĕ юхса кайрĕ

Кăпăклă хумсем вылятнă май.

Унпа ярăнайса каяс мар-и?

Анчах куçунта вулап: Ан кай!

Инçете тăванăм тухса кайрĕ.

Каяс умĕн йыхăрчĕ: Каяр!

Ман та ăраскалăм ютра мар-и?

Анчах куçунта вулатăп: Мар!

01.06.1996. Мускав

Çĕнĕ комментари хуш