Халиччен лăпкахчĕ эпĕ...

Анатолий Юман | Сăвă | юрату | 410


Халиччен лăпкахчĕ эпĕ,

Хумханса-çунса курман.

Темĕн пулчĕ: çамрăк, çепĕç

Чĕреме вут хыпрĕ ман.

 

Каç выртсан та, ир тăрсан та

Ман умра пĕр эс кăна.

Куç хупсассăн та куратăп

Шуçăм пек хитре сăнна.

 

Тĕл пулсассăн — вăтанатăп,

Çыхланса ларать чĕлхе.

Сансăр кун та пурнаймастăп,

Йăлт çухатрăм канлĕхе.

 

Халиччен лăпкахчĕ эпĕ,

Хумханса-çунса курман.

Темĕн пулчĕ: çамрăк, çепĕç

Чĕреме вут хыпрĕ ман.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: