Чăкраш арăм

Петĕр Ялгир | Шӳтлĕ сăвă | бригадир | 594


Председателе суйларĕç

Иванов бригадира.

Ал çĕклерĕ уншăн харăс

Клубри халăх шакăрах.

 

— Бригаду малта пырать сан.

Ма пултармăн пуçлăхра?

Ĕç кăларăн вăй хурсассăн, —

Терĕç пурте пухура.

 

Ивановăн арăмне çеç

Килĕшмерĕ çĕн суйлав.

Çăмăлрах пулсан çын ĕçĕ

Уншăн çитнĕ-мĕн уяв.

 

Ун хаяр чĕлхи саланчĕ

Киле çитнĕ-çитменех:

— Пуçлах! Алă сулмаллаччĕ

Сан вăл чăркăш ĕç çине...

 

— Бригадир шăп шăл çеммиччĕ.

Мĕн çитмерĕ-ши сана?

Пуçлăх мар эс — ял камичĕ, —

Тустарать упăшкана.

 

Лешĕ: — Ан кĕрле эс, — терĕ. —

Çĕнĕрен çĕн ĕç кирлех.

Унсăр ĕмĕрне ирттерĕн

Сӳнекен вут евĕрлех.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: