Сăнанисем

Борис Борлен | Сăвă | Капкăн | 544


— Иксĕлми, — тет, — ман вăй-хал, —

Какăрса илсе кахал,

Çавнашкал çав, çавнашкал

Сурăх евĕрлĕ вашкал,

Выçтаха1 эс ан вырхан2,

Хирĕç тăрасран сыхлан

Вак-тĕвекшĕн вĕчĕхсен,

Вăйăн-шайăн3 ĕçлесен,

Типĕ сурчăк сурăн та

Выçă-тутă пурăнăн,

Катемпи пек курăнăн.

Вăрттăн-хăрттăн савăшни —

Вăрă-хураха тухни,

Вăрçă-хăрçă çемьере —

Кашниех каять чире.

 

Вĕлтĕр-вĕлтĕр вĕлтĕрен

Вăштăр-вăштăр çил вĕрсен,

Вĕтелет кĕтмен çĕртен.

Асăрхан çав, хӳтĕлен.

 
1 Выçтах — хытă, хапсăнчăк çын
2 Ан вырхан — ан вăрç, ан кӳрентер
3 Вăйăн-шайăн—ӳпкевлĕ

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: