Сан патна эп тытрăм вăрăм çул...

Николай Теветкел | Сăвă | 433


Сан патна эп тытрăм вăрăм çул,

тĕлĕнтермĕш çул ку! Вăл — Кун-çул.

 

Утăп çĕрĕн-кунĕн ывăнми,

утăп çăвĕн-хĕлĕн чарăнми.

 

Утăп — хавхаланăп чĕререн,

юрлăп ăшă тунсăх килнĕрен.

 

Тĕлпулу телей вăрри акать:

аякка вĕç, юррăм, аякка!

 

Çуралсам эс шанчăк çутинче,

шăрансам эс лăпкă çул çинче.

 

Лăпкă мар-çке, лăпкă мар ку çул,

тĕлĕнтермĕш çул ку! Вăл — Кун-çул.

 

Çут Сăнарăм — ăшă Пайăркам,

систерсемччĕ: хăш тĕлте эс? Кам?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: