Юратса курман пулсан этем

Борис Борлен | Сăвă | юрату | 371


Çут тĕнче пулать-и çут хĕвелсĕр,

Çуркунне пире кӳрет илем.

Чăннипех те мĕскĕн те телейсĕр

Юратса курман пулсан этем.

 

Йышлă çемьере пулмасть шăв-шавсăр,

Ачапчасăр çут тĕнче кичем,

Ватăлса çитсен те пархатарсăр

Çемьере телей курман этем.

 

Ир те, каç та канăçа пĕлмесĕр

Мул çинчен шутлаççĕ теприсем,

Чул кермен лартсассăн та телейсĕр

Юратса курман пулсан этем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: