Çинçе пилĕк — пилеш

Мария Волкова | Сăвă | пилеш | 495


Çил тухать, çил тухать, çил тухать,

Йăпшăнса чи ачаш кăмăлпа.

Вăл чечен пилеше ал парать,

Кăтрине вĕçтерет, сапалать.

 

Тем калать, тем калать, тем калать,

Хăйĕн уçă, хавас чĕлхипе.

Çупăрлать те çинçе пилĕкне,

Йăлкăшса, выляса кулкалать.

 

Илĕртет, илĕртет, илĕртет,

Çинçе пилĕк ăна пăхăнмасть.

Тайăлать, тӳрленет, йĕкĕлтет,

Именсе, чуп тума хăяймасть.

 

Çил каять, çил каять, çил каять,

Кӳренсе пит салху лăпланать.

Çинçе пилĕк кăна тунсăхлать,

Тен, вăл хăй те çилех кăмăллать...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: