Санпа тĕл пулнă вăхăтра

Мĕн-ма хаваслă ман чĕре?

Санпа калаçнă вăхăтра

Туятăп эп çурхи ире.

Санпа çӳренĕ вăхăтра

Урам хитре, тӳпе таса.

Санпа ташланă вăхăтра

Лĕп çил вĕрет пире савса.

Санпа юрланă вăхăтра

Пире итлет уй-хир, вăрман...

Санпа ĕçленĕ вăхăтра

Нихçан та ывăнса курман.

Санпа тĕл пулнă вăхăтра

Чуна кĕрет хĕвел шевли.

Санпа çӳренĕ вăхăтра

Эп тĕнчере чи телейли!

Çĕнĕ комментари хуш