Хăнасем пухать хуламăр

Валентин Урдаш | Сăвă | Шупашкар | 485


Хăнасем пухать хуламăр

Хамăр халăх уявне.

Хăнара пулсан хурлаймăр

Куç тулли капмар тумне.

 

Тăвансем, çитсе курсамăр

Чăвашсен Шупашкарне.

Си курма кĕрсе тухсамăр

Юмахри пек çуртсене.

 

Ман çĕршыв çырма-çатраллă,

Çав-çавах хитре вăл ман.

Ма тесен ялсем йăмраллă,

Ăçта пыр — унта вăрман.

 

Тăвансем, кĕрсе курсамăр

Чăвашсен ялĕсене.

Хăнана кĕме çул такăр

Ыр сунса киленсене.

 

Тăвансем, хăна пулсамăр

Юбилей кĕрекинче.

Туслăх куркине тытсамăр,

Туслăх пултăр çĕр çинче.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: