Юмăçа итлекен карчăксем

Григорий Тяммин | Сăвă | 1913 | юмăç | 482


Юмăç килнĕ пирĕн яла

Хăй пĕлнине алама.

Çичĕ-сакăр карчăк утаççĕ,

Халăхсене калаççĕ.

Çак карчăксене пĕр карчăк хирĕç пулать:

— Кăçта каятăр? — тесе ыйтать.

— Юмăç пăхтарма каятпăр

Айта эсĕ те пыр, —

Теççĕ лешсем.

Хăпăл-хапăл тăхăнса

Хăвса çитрĕ лешсене.

Юмăç патне çитрĕç,

Пăхтарма тытăнчĕç:

Пĕрне виç çул пурнан тет,

Тепĕрне вун çул пурнан тет.

Карчăксем ĕненеççĕ,

Пилĕкшер пус параççĕ...

Юмăçа пăхтарни çирĕм çул,

«Эсĕ пурăнан виçĕ çул»

Тенĕ карчăк кăçал вилчĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: