Хивре çанталăк чăркăшать тулта...

Николай Теветкел | Сăвă | 437


Хивре çанталăк чăркăшать тулта:

те юр çăвать, те çумăр ислетет?

Ятна пăшăлтатса калать тута:

— Аш кăмăл куркине тултар-ха, — тет.

Шăпаçăм çеç калама çук чее —

улăштарать çанталăкне пĕрмай.

Тарасапа виçеймĕн телее —

çапах пур унăн виçинче ман пай.

Çунатлă шанчăк систерет ырра,

кунçулăн уйĕнче ăмăртмалла

санпа выратпăр хамăрăн тырра —

пăхатпăр çамрăк сăн-питпе мала.

Çак пĕрлĕхре çуралнă юрату

Санпа-манпа мĕн виличчен тату.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: