Юр сĕлкĕшленчĕ...

Николай Теветкел | Сăвă | Кейӳ | 470


Юр сĕлкĕшленчĕ... Сарăлать ейӳ

çырмасенче. Юр кĕрчĕсен шап-шурă

ĕмĕлкисем шыва ӳкни — ыр курăм:

умра ларать пек авалхи Кейӳ.

Хирте шыв капланса килет каçкӳлĕм,

Çулне шырать вăл тĕрлĕ еннелле.

Кăвак витĕнкеçне шарт! çурчĕ кӳлĕ,

йăл-йăл! кулса пăхать пек хĕвеле.

 

Çуркуннене саламласа кашлаççĕ

ват йăмрасем сĕвек çыр хĕрринче.

Ĕмĕлкисем авкаланса ташлаççĕ

çил хăвалан кăвак хумсем çинче.

Çурхи ӳкерчĕк — куç тулли илем,

ăна çак пĕчĕк сăввăма пиллем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: