Калаçмалли çав тери нумай...

Георгий Ефимов | Сăвă | 465


Калаçмалли çав тери нумай:

Тăхта кăштах, тăхта, ан кай.

 

Ачашлăхăм пулман-и ман?

Чуну çунман-и чуп тусан?

 

Ыталасассăн кăмăлпа

Çӳренĕ çăтмахра санпа.

 

Тытаттăн уйăх шевлине,

Параттăнччĕ мана парне.

 

Вĕçетчĕ çӳллĕ тӳпере

Юратупа çунса чĕре.

 

Эс курнă-и мана ĕçрен

Пăрăнса юлнине пĕрре?

 

Мĕн пулчĕ-ха? Мĕн пулчĕ-ха?

Шанмастпăр-и пуласлăха?

 

Çавах та пĕлнĕ пул çакна,

Эс мансăрăн пурнаймăнах.

 

Ырра манакан çын нихçан

Йĕркеллĕ пурнăç тăвайман.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: