Ракета уххипе, ăса кĕмесĕр...

Николай Теветкел | Сăвă | 457


Ракета уххипе, ăса кĕмесĕр,

çынсем паян тĕлленĕ пĕр-пĕрне.

Кунта кайран сăмах ытла та мелсĕр:

кам тупĕ шыраса этем йĕрне?

Тăван çĕршывăн тимлĕ канашне

тăнлакансем те пур-ха — савăнатăп!

«Пĕтерес мар этемлĕх малашне», —

текенсене çеç ыррăн асăнатăп.

Çак шухăшшăн тăсатпăр пурнăçа, тен,

эпир куллен-кунхи кĕрешӳре.

«Кайран вара кам тухĕ-ши тӳрре?» —

текенсене сума суса тăнлатăп.

Çак ăнлану ӳсинччĕ кунсерен —

ан ӳктĕр вилĕм янкăр тӳперен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: