Сăвап сана, серте-пултранлă çĕр!..

Николай Теветкел | Сăвă | серте | пултран | 546


Вениамин Тимакова

 

«Сăвап сана, серте-пултранлă çĕр!» —

тесе ман калама нумай сăлтавăм.

Мĕнле чăваш чунне хăвармĕ йĕр

çав икĕ курăк? Именмесĕр савăн.

 

Çăва тухсан, ĕçчен чăваш сĕтелĕ

серте-пултран яшкисĕр тулăх мар.

Ăна çисен çеç чăн чăваш хевтеллĕ:

куç-пуçĕ те чăл-чал, утти вăр-вар.

 

Туйман-и вăрçă пусăмне тус-йышăм?

Шăлне шаккатчĕ выçлăх-çĕрçăтман.

Эпир унран (ку чăнлăха эс йышăн)

серте-пултран яшкисĕр çăлăнман.

 

Сирсе пăхсан кунçулăн чаршавне,

туртать чун йывăр кăмăлăн лавне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: