Пуласчĕ сар кайăк

Тен, эс çумранах иртсе кайрăн?

Санпа, тен, эп пулнă çумлах?

Таçта васкаса утнă майăн

Пĕри те чĕнмен пĕр сăмах.

Чĕнмешкĕн çитмен-и хăюлăх,

Çул урлă-и каçнă кушак?..

Хыçа çухалса тăрса юлнă

Эпир пĕрлешес пĕр сукмак.

Пĕрле пулманни лайăха-ши,

Ялан ӳкĕнме пулĕ-ши?..

Çаплах илĕртет-ха çу каçĕ,

Хаваслă яш-кĕрĕм ташши.

Эс хирĕç тухсан, иртсе каймăп,

Куç хĕсĕп те лартăп çума.

Пуласчĕ хăш чух сарă кайăк

Сăмахсăр савса калаçма.

Çĕнĕ комментари хуш