Чĕлхе çинчи сăмахсем

Туймăрса | Юрă


Ăсатăр, тăвансем,

Эсир ăсатăр

Хамăр çĕртен-шывран,

Ай, тухиччен.

 

Хамăр та çĕршывран

Тухнă çĕрте

Шăнкăртатса выртать

Ай, юханшыв.

 

Шăнкăртатса выртать,

Ай, сулхăн шыв,

Выртса ĕçрĕм, аннеçĕм,

Эп куркасăр.

 

Ăшăм та каннине

Пĕлнĕ пулсан,

Татах та ĕçес-мĕн

Сулхăн шывне.

 

Пуçăм çухаласса

Пĕлнĕ пулсан,

Татах калаçас-мĕн

Тăвансемпе.

 

Татах калаçас-мĕн

Тăвансемпе

Чĕлхе çинчи сăмахсем

Ай, пĕтиччен.

 

Чĕлхи çинчи сăмахсем

Ай, пĕтиччен,

Пуçра пур хуйхă та,

Ай, сӳниччен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: