Çарăмсан юханшывĕ

Александр Каттай | Сăвă | 1975 | Çарăмсан | 284


Сарăлса пырать вăл анлăн,

Кĕмĕл евĕр çутатса,

Янăравлă шăнкăравлăн

Вăл юхать авкаланса.

 

Тӳпене пăхать ыр куçлăн,

Симĕс тумлă ту çине.

Хумĕсем ун умлăн-хыçлăн

Талпăнаççĕ çыр енне.

 

Васкаса чупать сатуррăн,

Атăлта ун — канмалли.

Вăл хывать илемлĕ юрă

Çеçкери садсем валли.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: