Пуç пăрăнать пĕрмаях сан енне...

Нар Урини | Сăвă | 407


Пуç пăрăнать пĕрмаях сан енне.

Куçăм пăхать пĕрмаях сан çине.

Хăлхам пĕрмай сан сассуна кĕтет.

Чĕрем сиксе тухас пек кăлт! сикет.

 

Анчах пăратăп эп санран пуçа,

Вăя пухса тартап санран куçа.

Сан сассуна илтесшĕн мар — юрлап,

Хам ирĕке, хам ирĕке сыхлап.

 

Пуç пăрăнать çапах та сан енне,

Куçăм пăхать çапах та сан çине.

Хăлхам çапах сан сассуна кĕтет,

Чĕрем тапать: «Пурнатăп саншăн!..» — тет.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: