Космонавт савнийĕн юрри

Нар Урини | Сăвă | 392


Хĕвел анчĕ. Тĕттĕм пĕлĕт.

Пĕр çут çăлтăр тӳпере.

Тӳпери çав çăлтăр евĕр,

Эс анчах ман чĕрере.

 

Каçхи çӳллĕ тăрă çăлтăр

Куççуль евĕр ялтăрать.

Вăхăт-вăхăт унпа çумăн

Манăн çăлтăр курăнать.

 

Çĕр каçа пăхса ларатăп

Куç илмесĕр тӳпене.

Эсĕ, тусăмçăм, туятни

Сана чун пек кĕтнине?

 

Ирхи çăлтăр, сан пек çутă

Тепĕр çăлтăр космосра:

Ман тавра вĕçет савниçĕм —

Çĕрпе ман йĕри-тавра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: