Тăванăм, ай, тăванăм...

Тăванăм, ай, тăванăм,

Салтак-артиллерист.

Çул уçнă, ăнтăланă

Вут-çулăм витĕр эс!

Туппу миçе пин çухрăм

Кусмарĕ-ши фронтра?

Таçта та пырса тухрăн

Çав чăрсăр вăхăтра.

Тăванăм, ай, тăванăм,

Салтак-артиллерист.

Хăш уйăн, хăш вăрманăн

Хăни пулман-ши эс?

Эс çутнă вут ытамĕ,

Хаяр сассипеле,

Тăшманшăн кӳнĕ тамăк,

Тăвансене — телей.

Хумханчĕ Одер шывĕ

Эс вăйкăнса çитсен...

Е Атăл, е Мускавĕ

Юрлаççĕ сан çинчен!

Çĕнĕ комментари хуш