Хура ĕнчĕ

Нар Урини | Сăвă | ĕнчĕ | 383


Хура ĕнчĕ, хура ĕнчĕ.

Хура ĕнчĕ — хурлăхан,

Хăтаринччĕ, хăтаринччĕ,

Хăтаринччĕ хурлăхран.

 

Хура ĕнчĕ — хурлăханшăн

Килейинччĕ пахчана

Хура ĕнчĕ — хурлăхан пек

Хура куçлă пĕр хăна.

 

Ав килет вăл, утти çăмăл,

Хăй хăва пекех çинçе.

Хура ĕнчĕ эпĕ ватрăм,

Ватрăм ун тути çинче.

 

Хура ĕнчĕ, хура ĕнчĕ,

Хура ĕнчĕ — хурлăхан.

Иртсе кайрĕ манăн хурлăх,

Тусăм, эсĕ чуп тусан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: