Каллех палланă евĕрсем...

Петĕр Хусанкай | Сăвă | 1931 | 310


Каллех палланă евĕрсем —

Ĕлĕкхиллех, чĕп-чĕррĕнех

Асилĕнче — кĕвве кĕрсе

Ыраттараççĕ чĕрене.

 

Каллех, çак кантăкран пăхса,

Апрель тумлавĕпе пĕрле

Юхтар — ăшра — куççуль: тасан.

Ачан, кĕл тунă евĕрлех.

 

Каллех — йĕпе тротуара

Вăл халь тиркемĕ тесе,

Сăна, итле те тух, вара —

Йăван тирпейсĕр кĕтесе!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: