Çуллахи уяр тӳлек çĕрле...

Яков Ухсай | Сăвă | 1955 | 333


Çуллахи уяр тӳлек çĕрле

Эп пăхатăп уйăх çинелле.

 

Шурă пĕлĕт амăш пек ăна

Вырттарасшăн мамăк вырăна.

 

Леш курса çӳресшĕн тĕнчене

Хăпарать çап-çутă тӳпене.

 

Пĕчĕк чух çапла мана анне

Çывратма тăратчĕ каçхине.

 

Юрă итлеме те ял курма

Эп тухса тараттăм урама.

 

Халь те манăн уйăх сăнĕ пур:

Çӳçĕм тăнлавсем çинче шап-шур.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: