Тĕнче пек пысăк чĕмсĕрлĕх...

Любовь Мартьянова | Сăвă | 511


Тĕнче пек пысăк чĕмсĕрлĕх

Ыйтуллăн тинкерет.

 

Ун умĕнче эп кĕлмĕç тĕ

Патша — ун умĕнче.

Хăйсем камне пĕлеймĕç те

Ун çут ытамĕнче.

 

Ун вĕçĕ çук, сарлакăш те,

Пин-пин тымар ăшра.

Асаттесен аслашшĕ те

Çав тарăн шăплăхра.

 

Иртнĕ кунсен хусканăвĕ,

Çĕршер пин юнтымар.

Юрри-кĕвви, пуласлăхĕ...

Нимскер те манăçман.

 

Пĕртен-пĕр ырă тивĕçĕм

Килет халь ман ума:

Ӳпкевсĕр, тӳрĕ, тивĕçлĕн

Вĕçлесчĕ çак куна.

 

Ытла та пысăк чĕмсĕрлĕх...

Çук, чарăнмасть пăхма.

Таса юласчĕ ĕмĕрлĕх

Тĕнче умне тухма.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: