Тĕнче касса çӳрерĕм

Валентин Ахтупай | Сăвă | 1944 | 593


Тĕнчене çил пек касса çӳрерĕм,

Ыр кĕтес шырарăм ют çĕрте.

Уйсенче ӳсет пиçен, шур эрĕм,

Садсенче çĕлен-калта ĕрчет.

 

Шыраса Карпат енче хитрелĕх

Чăтăмлăн çӳрерĕм темĕн чул.

Сăрт çинче — унта — çăра тĕтрелĕх.

Тĕтрене хитрелĕх теме çук.

 

Эс кана чипер, тăван кĕтесĕм.

Анчах юлтăн питĕ инçетре.

Инçетре пулсассăн та чĕреçĕм

Саншăн çех çĕр хĕлĕхпе чĕтрет.

 

Эс кăна чипер, тăван кĕтесĕм.

Шупашкар та шурă пăрахут,

Ют çĕрте вĕçсе çӳрен чĕкеçĕн

Сире çеç курасчĕ пĕрех хут.

 

Сире çеç курасчĕ, ыталасчĕ.

Тухаясчĕ ешĕл хирсене.

Чĕрере мĕн пуррине каласчĕ,

Юрласа тăп-тăрă ирсерен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: