Ан ман

Николай Карай | Сăвă


Эп каятăп. Эс юлатăн.

Ан хĕрет йĕрсе куçна.

Сан питри куççуль пылаккăн

Темшĕн туйăнчĕ мана.

 

Аякра чух сенкер тунсăх

Вылĕ час-часах чунпа.

Юрату епле-ха унсăр? —

Юрату хитре унпа.

 

Шантарса сана калатăп:

Тухас çук эс ман асран.

Аякри çултан мана та

Эс кĕтсе илме ан ман.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: