Асанне пехилĕ

Чирлĕ ватă асанне,

вырăнпах выртать.

Çапах чирлĕ пуçĕпе

мана ыр сунать:

— Хамăн вăрăм ĕмĕрте

курнине курнах,

выççине те туттине

тӳснĕ эп йăлтах.

Виçĕ шăллăм вăрçăра

пĕтнĕ çапăçса.

Ирĕклĕхшĕн тамăкра

çуннă çамрăклах.

Халь выртать ав арчара

çыру тĕрки тăвансен:

кĕтнĕ вĕсем çак куна

юлашки юн юлмиччен.

Манас çук вĕсен ятне,

манас çук вĕсен ĕçне,

çак чечек пек пурнăçшăн

паттăррăн кĕрешнине.

Чи хăрушă сăмахах,

«бомба», «вăрçă» тенине

илтес марччĕ кăлăхах,

ан курсамăр нушине.

Туслăх кирлĕ халь пурне те,

пурăнăр килĕштерсе,

ваттине те, вĕттине те

яланах мирлештерсе.

Çĕнĕ комментари хуш