Мăн Атăла савса

Çу кунĕсем çăвăнчĕç каçса кайсах мăн Атăлта,

Кĕр кунĕсем пит кая юлчĕç кăçал пушшех ку тăрăхра.

Мĕне кура хĕвел ташлать яра куна çӳл тӳпере?

Кама савса ытараймасăр тăхтарĕ çак Юрату сăмсахĕнче?

Каяс килмесĕр уйрăлан хĕвел

Тӳпе çийĕн кĕренĕн-вутлăн хĕм сапать,

Мăн Атăлта сăн ӳкерсе

Паянлăха сыв пуллашать.

Çын сăмахĕ çитмест ку Илеме сăнарлама,

Çын туйăмĕ çитмест ку кĕтрете чуна хывма...

Эп пуç таятăп сан шывна,

Хĕвел савса юратнă мăн Атăла.

Çĕнĕ комментари хуш