Нина Разумова


Нина Никитична Разумова (Еграшкина) 1956 çулхи пуш уйăхĕн 7-мĕшĕнче Чăваш Республикинче, Етĕрне районĕнчи Анат Ачак ялĕнче çуралнă. 1973 çулта вăтам шкултан вĕренсе тухнă.

1977 çулта И. Я. Яковлев ячĕллĕ Чăваш патшалăх педагогика институчĕн художествăпа графика факультетне вĕренме кĕнĕ. 1982 çулта диплом илнĕ. 1982-1985 çулсенче Тĕмен облаçĕнче — учитель, 1985-1995 çулсенче Чĕмпĕр хулинче «Авиастар» заводра ӳнерçĕ пулса ĕçленĕ.

«Канаш» хаçатра 1996 çултанпа ĕçлет. Нумай пулмасть пичетленме пуçланă, пĕрремĕш утăмсем тăвать. Ытларах ачасем валли кулăшла калавсем çырма кăмăллать.


Хайлавĕсем